УВЕР ЙОГЫН

Поро паша шукемшаш

2018 ийым Российыште Доброволец (волонтер)-влакын идалыкышт семын уваертарыме. Тидым шотыш налын, 5 февральыште Звенигово районысо «Сеҥымашын волонтержо-влак» штабын членже-шамыч районысо самырык-влакын пашашт шотышто специалист-шамыч дене пырля калыкым социально обслуживатлыше комплексный рӱдерын «Гармония» клубшын участникше-влак дене вашлийыныт. 

КУЧЕМ УВЕР

Республикын правительствыштыже: Машинам балконыш кораҥдышаш улыт мо?

Марий Эл вуйлатыше Александр Евстифеев 5 февральыште правительствын черетдыме кумдаҥдыме заседанийжым эртарен. Тудо чот луман игече шогымылан кӧра лекше нелылыкым кораҥдыме пашам кузе шуктымо дене кылдалтын.