УВЕР ЙОГЫН

Верла гыч увер: Шучко жап нигунамат ок мондалт

Верысе «Боевое братство» пӧлкан вуйлатымыж почеш Афганистан гыч совет войскам лукмо, воин-интернационалист-влакым шарныме кечым да Отечествым аралыше-влакын кечыштлан пӧлеклалтше пайремым Кужэҥер районышто кумдан палемденыт. 

КАЛАСЕ, "МАРИЙ ЭЛ"

Каласе, «Марий Эл»…: «Вашкеполышлан» тӱлыман?

Шукерте огыл Йошкар-Оласе эмлымверыш логальым. Ик кастене палатышкына «вашкеполыш» машина дене кондымо ӱдырамашым пыштышт. Иктаж кум кече гыч, шкенжым сайынрак шижаш тӱҥалмеке, у пошкудына кумыл волен мане: «Вашкеполыш» бригадын услугыж дене ынде нылымше гана пайдаланышым. У закон дене келшышын, тылеч вара «вашкеполыш» машинам ӱжмылан тӱлаш тӱҥалам…» Тыгай манеш-манешым колаш тӧченам ыле, но тудын вийыште улмыжым […]

УВЕР ЙОГЫН

Йодса – вашештена: Возымо лийын…

Кевытыште сатум налмем годым сатучылан ик тӱжем теҥгеаш оксам пуэнам. Но садет мый дечем оксам налын огыл, молан манаш гын тушто ручка дене возыман пале лийын. Сатучо мыланем «окса кагазда локтылалтше, сандене тудын дене тӱлен огыда керт» манын умылтарыш. Тидын шотыштак рашемдынем: закон почеш изиш возыман окса кагаз оксалан шотлалтеш мо? Уке гын, тудын дене […]

УВЕР ЙОГЫН

Ӱлыкӧ веле огыл, кӱшкат ончыза

Йошкар-Оласе 5-ше №-ан поликлиникын, травмпунктын, увертарымыж почеш, февральыште кок пӧръеҥ пӧрт ӱмбачын волен вочшо лум йымак логалмылан вуйым шийын толын. Медик-влакын тергымышт деч вара рашемын: пӧръеҥ-влакын тазалыкыштлан кугу эҥгек лийын огыл, сандене когыньыштымат мӧҥгышкышт колтеныт. 

УВЕР ЙОГЫН

Шарнымаш сорта: Шочмо кечыжлан – мемориал оҥам

Теҥгече Марий Эл Республик здравоохраненийым вияҥдымашке кугу надырым пыштыше, 55 ий врач-педиатрлан ыштыше, Россий Федерацийын да Марий Элын сулло врачше, Россий здравоохраненийын отличникше, Йошкар-Олан почётан гражданинже, Йошкар-Оласе йоча эмлымверын тӱҥ врачше Л. Соколован шочмыжлан 80 ий темын. Тидын дене келшышын, Йошкар-Оласе йоча эмлымверыште Лелия Ивановналан мемориал оҥам почыныт.