УВЕР ЙОГЫН

Шинчымаш кугорнышто: Туныкташ –  кугу пиал

13-15 февральыште Москваште, ВДНХ-ште, «Наставник» всероссийский форум эрта.  Тушко Российын 85 регионжо гыч еҥ-влак чумыргат. Марий Эл гычат делегаций кая. Мероприятийыште «Наставничествын эн сай практикыже-влак» конкурсымат иктешлат. 

ШКОЛ ЙОЛГОРНО

Уста туныктышо: «Шочмо школем шкеж деке ӱжын»

Шернур район Шӱдымарий школышто лийме годым ятыр оҥай туныктышо дене палыме лийынна. Нунын кокла гыч иктыже – Инна Евгеньевна Ефимова. Тудо марий йылме ден литературым туныкта, тыгак школ директорын туныктымо паша шотышто алмаштышыжын сомылжым шукта.