УВЕР ЙОГЫН

Марий пайремыш Москва ден Берлин гычат миеныт

13 январьыште Урал кундем Изи Тавра ялыште Шорыкйол пайремым эртаренна. Кечывалым тӱвыра пӧртыш илалше-влак чай йӱмашке чумыргеныт. Нунын дене тӱрлӧ модыш дене модынна, туштым туштенна, мужедынна, муренна, куштенна. 

МАРИЙ ТӰНЯ ӰДЫРАМАШ КОРНО

Лӱмгече: «Тунемше урокышкет омсам куан дене почын пурышаш»

София Никитина ятыр ий марий йылме ден литературым туныкта. Стажше – 32 ий. Кызыт Морко посёлкысо 1-ше №-ан школышто пашам ышта.  Тудо республикысе конкурсышто веле огыл, Российыштат ятыр гана сеҥышыш лектын, шуко награде дене палемдалтын. Россий Федерацийын общий образованийыжын почётан, Марий Элысе образованийын сулло пашаеҥже. Таче, 30 январьыште, София Васильевна 55 ияш лӱмгечыжым палемда. 

ЭРТЫШ-ИЛЫШ

«Пеш неле чыла тидым угыч шарналташ», – маныт Ленинград блокакдыште лийше-влак.

1944 ий 27 январьыште Кугу Отечественный сарын ик эн шучко да тунамак героический лаштыкше петыралтын – совет войска-влак Ленинградым блокаде гыч утареныт. Тудо 900 кече да йӱд шуйнен. Таклан огыл Лениградлан ола-герой, а тудо шучко жапым чытен лекше-влаклан –  «Блокадный Ленинградын еҥже» лӱмым пуэныт. Тиде кечын уло элна мучко шарнымаш вахте, тематический ончер, пайрем концерт-влак […]

ПРАВОСЛАВИЙ

Айдеме ӱшан дене илышаш: «Кажне черке шочшем гай…»

Йошкар-Ола да Марий митрополит Иоаннлан 60 ий темын. Москон да Уло Русьын патриархше Кирилл тудым лӱмгече дене саламлен да II степенян святой благоверный Даниил Московскийын орденже дене палемден. 

УВЕР ЙОГЫН

Тул деч лӱдын огыл

Россий МЧС-н Марий Элысе Тӱҥ управленийжым вуйлатыше генерал- майор Александр Малкин Кугыжаныш пожарный службын Марий Элысе  управленийжын пожарныйже Дмитрий Антоновлан «За отвагу на пожаре» медальым кучыктен.