ЯЛ ИЛЫШ

Тачысе темылан: Пӱшкылеш гынат, мӱйжӧ тамле

Ноябрь кыдалне Киров олаште, Вятке кугыжаныш ялозанлык академийыште, мӱкшызӧ-влакын регион-влак кокласе III съездышт эртыме нерген газетна увертарен ыле. Тылеч вара Юл кундем кугыжаныш технологий университетын тунемме да опытым эртарыме чодыра озанлыкышкыже республикысе мӱкшызӧ-влакым погымо. Тушто семинар-совещаний лийын. Погынымашлаште могай йодышым каҥашыме?