УВЕР ЙОГЫН ШИНЧЫМАШ КУГОРНЫШТО

Шинчымаште — вий: Уш-акылышт – шӧртньӧ поянлыкышт

4-5 ноябрьыште Национальный президент школ-интернатыште «Ума палата» уш-акылым вияҥдыше модмашын окружной финалже эртен. Марий Элыш Юл кундем федерал округын 14 регионжо гыч команде-влак чумыргеныт. Ты мероприятий тулык да ача-аван полышыж деч посна кодшо икшыве-влаклан кумылаҥдаш эртаралтеш. Тудо «Йоча пагытым пӧртылташ» проект, Юл кундемысе федерал округышто Россий президентын полномочный представительже М.Бабичын полшымышт дене илышыш шыҥдаралтеш. 

УВЕР ЙОГЫН

Буймо школышто жапым пайдалын эртарат

Татарстан Республик Агрыз район Буймо школышто Тунемше-влакын Российысе толкыныштын шочмо кечыжлан пӧлеклалтше мероприятий эртен. Тений тудлан кок ий темын. Буймо школын ӱдыр-рвезыже-влак ты пайремым оҥайын эртареныт: тӱрлӧ модыш дене модыныт, пӱртӱсым арален кодымо нерген мутланеныт.