«МАРИЙ ЭЛ» ТАЧЕ

«Марий Эл»: 2017 ий 21 октябрь

2016-2017 ийлан Марий Эл Республикын Литератур, искусство, архитектур, науко да технике шотышто кугыжаныш премийжым пуышашлан конкурсыш налме произведений ден паша-влакым каҥашымашке луктеш. претендент-влак нерген шке шонымашым возен колташ творческий ден общественный организаций да молат 20 ноябрь марте каҥашымашке ушнен кертыда. Кандидатур-влакын лӱмыштым тӱрыс газетыште савыктена. Кодшо шуматкечын Кужэҥер район Аганур ялыште да Руш Шой кыдалаш […]

УВЕР ЙОГЫН

Ме ик кугу еш гыч улына

18 октябрьыште Марий кугыжаныш университетыште Финн-угор калык-влакын родо-тукым кечыштлан пӧлеклалтше мероприятий эртен. Универсиетын студентше-влак тӱналтыште финн-угор йылме-влак дене саламлалтыныт, нунын чотышт, кушто илымышт дене палдареныт. 

ЛӰМГЕЧЕ

Шочмо ялын эргыжым огыт мондо

Кодшо шуматкечын Кужэҥер район Аганур ялыште да Руш Шой кыдалаш школышто ты кундемын эргыже, туныктышо, литератор, шанчызе, мер пашаеҥ, марий калыкын ончылъеҥже Иван Ефимович Романов-Одарын шочмыжлан 130 ий темме кечым кумдан палемдышт, шочмо ялешыже шарнымаш кӱм шогалтышт. 

СПОРТ

Тале футболист, чолга артист, ӱшанле суртоза

М.Зуев Медведево районысо Цибикнур селаште куд икшыван ешеш шочын-кушкын: вич эрге, ик ӱдыр. Кызыт Михаил Ивановичым верысе калык тале футболист, куштылго атлет, ечызе, чолга артист, ӱшанле суртоза семын пала. Адакшым тудын ешыже спорт еш семын ойыртемалтеш. А тӱҥалынже чылажат… 

СОЦИАЛЬНЫЙ ИЛЫШ

Ялысе йочасадыште: Чылажат икшывылан келшыже манын тыршат

У Торъял район Крешын Руйысо «Ромашка» йочасадыш икшыве-влакым тиде ял да воктенсе Кугу Руй гыч веле коштыктат. Тудо 15 верлан келыштаралтын, да кызыт тынар ӱдыр-рвезак коштыт. Кок ял гыч чыла йочалан вер ситен манме деч икте кызыт черетым вуча. Кеч, мутлан, Крешын Руй ялымак налаш. Тудо кугу, но икшыве ты илемыште шагал. 

УВЕР ЙОГЫН

Ялысе докторлан миллион теҥгем пуэныт

Кодшо кечылаште Советский районысо рӱдӧ эмлымверыш «Ялысе доктор» программе дене акушер-гинеколог пашам ышташ толын. Тидын дене келшышын, специалистлан ик миллион теҥге кугыт компенсацийым пуаш ойпидышым ыштыме. Тиде – 2017 ийыште «Ялысе доктор» программе дене ялыш пашам ышташ кайыше визымше специалист.