СОЦИАЛЬНЫЙ ИЛЫШ

Шӱгарлам эрыктет – суапым налат

Семёновка посёлкысо шӱгарла Молодёжный уремыште илыме да моло пӧрт деч тораштыжак огыл верланен. Тиде мемориал комплексым печылен налме. Тушко кызыт нимом тояш огеш лий – чарыме. Marihistori.ru сайтын увертарымыж почеш, шӱгарлаште георгиевский кавалер да 1877-1878 ийласе руш-турок сарын геройжо Филипп Бушуев кия. Кумдан палыме руш поэт Александр Котомкин-Савинскийын ачажымат – Ефим Гордеевичым – тышанак тойымо. […]

СОЦИАЛЬНЫЙ ИЛЫШ

ЖКХ: Вуйым шийыт, экшыкым кораҥдат

Марий Эл Республикын Илыме верым эскерыше департаментше 28 сентябрь гыч регионысо шуко пачеран пӧртым ырыктыме да кучымо йодыш дене «шокшо линийым» почын. Тиде телефоныш 10 октябрь марте чылаже 339 еҥ йыҥгыртен. 

СОЦИАЛЬНЫЙ ИЛЫШ

Кумылжо уло да… пашаже шагал

Тазалык шотышто нелылыкым шижше шуко еҥ мӧҥгыштӧ ынеж шинче, иктаж пашам ыштынеже, пайдале лийнеже. 2017 ий 1 октябрьлан Марий Эл Республикын калыклан паша верым ситарыме рӱдерлашкыже 720 инвалид келшыше пашам кычалын толын. Специалист-влак 218 еҥлан паша верым муаш полшеныт. 

УВЕР ЙОГЫН

Донорын кечыже: 26 литр вӱрым пуэныт

10 октябрьыште «Полупроводник прибор завод» акционер обществыште донор акций кокымшо гана эртен. Вӱрым налме республикысе станцийын куснылшо пунктшо кажне донорым кумылын вашлийын. Ты гана 55 еҥ вӱрым пуаш кумылаҥын, нунын коклаште почётан донорат, суапле ошкылым икымше гана ыштышат лийыныт. 

УВЕР ЙОГЫН

Уфаште Юл кундем федеральный округысо поисковый отряд-влакын слётышт эртен

7 октябрьыште Уфаште Юл кундем федеральный округысо поисковый отряд-влакын эртарыме тыгай слётыштышт Марий Эл гыч «Воскресенье» команде чыла коклаште 9-ше верым налын. Республикна гыч тушко чылаже 22 еҥ миен. 

УВЕР ЙОГЫН

Шыже призыв – 2017: Салтак радамыш шогалыт

Шыже призыв теният 1 октябрь гыч декабрь мучаш марте шуйна. Ты гана республике гыч салтак радамыш 800 самырык еҥ (18-27 ияш-влак) шогалшаш. Республикын военный комиссарже С.Сидоркинын палемдымыж почеш, тидыже ончычсо ий деч изишлан шагалрак. Ик семынже тудо демографийын начарештмыж дене кылдалтын, а вес велым – рвезе-влакын контракт службылан кумылаҥмышт дене. Ончыч кӱшыл шинчымаш нерген дипломан […]

УВЕР ЙОГЫН

Президентын фотожым кучыктеныт

Йошкар-Олаште илыше Владимир Ерёминлан Марий Элын тӱҥ федеральный инспекторжо Петр Журавлёв Юл кундемысе федеральный округышто Россий Президентын полномочный представительже Михаил Бабичын кӱштымыж почеш, Россий Президент Владимир Путинын фотожым кучыктен. Тушко Владимир Владимирович шке кидпалыжым пыштен. 

УВЕР ЙОГЫН

Сочиште Самырык ден студент-влакын тӱнямбал фестивальышт эрта

14-22 октябрьыште Сочи олаште Самырык ден студент-влакын тӱнямбал фестивальышт эрта.  Марий Эл гыч тушко 125 участник ден 40 волонтер каен. Чылаже фестивальыш 150 эл гыч 20000 ӱдыр-рвезе чумырген.