КУЧЕМ УВЕР

Омеш гына ынже кончо

«Одывлак-Кужэҥер-Параньга» — тыге манын лӱмдымӧ шонымаш дене ила да омешыже чапле корным ужеш верысе калык Йошкар-Олаш наҥгайыше кугорно ден райрӱдым ушышо икте веле улшо тиде трассым. Ты «корно вӱршерым» эше кодшо курымысо 70-шо ийлаште кӱртньӧ-бетон плита-влакым ушкален вакшыныт. Пел курым жапыште тудо йӧршеш йӧрдымыш лектын: плита пуракыш савырнымеш нӱжалтын,  шуко вере арматур  автомашиналан лӱдыкшын чараҥ […]

ЯЛОЗАНЛЫК

Ой-канаш: Теплицым шке погена

Пакчаш поликарбонат гыч ыштыме теплицым шындымаште икмыняр йӧн ден ойыртем улыт. Тидыже тудым мландыш але негызыш шындымым онча. Ты правилым чын шуктымеке, теплице ӱшанлын шинчеш, ончыкыжо пакчасаскам ончен куштымаште экшык ок лек. 

УВЕР ЙОГЫН

Лӱддымӧ ден чулым-влаклан пӧлеклалтын

Кодшо кугарнян Йошкар-Олаште Э.Сапаев лӱмеш кугыжаныш опер да балет театрыште Российын гражданский обороныжлан 85 ий теммылан пӧлеклалтше мероприятийыш погынышо утарыше, пожарный, гражданский обороно пашам шуктышо да службын ветеранже-влакым Марий Эл правительстве председательын икымше алмаштышыже Сергей Сметанин саламлен. 

УВЕР ЙОГЫН

Шеҥгелне огына шӱдырнӧ

Кодшо кугарнян Пензыште Россий президентын Юл кундем федерал округышто полномочный представительже Михаил Бабичын вуйлатымыж почеш округын советшын заседанийже эртен. Тушто Марий Эл Республикым вуйлатыше Александр Евстифеев лийын. 

УВЕР ЙОГЫН

Кодшо арняште Марий Элыште 12 пожар лийын

Марий Элысе МЧС-ын увертарымыж почеш, кодшо арняште республикыште 12 пожар лийын. Пелыже – Волжский районышто. Каныш кечылаште гына ты кундемыште ныл вере пожарым йӧрташ пернен. Арня мучко тул кок оралтым пытарен, ик еҥ эмганен. 

УВЕР ЙОГЫН ЯЛОЗАНЛЫК

Шурным погымо тургым эркын ушна

Марий Элын Ялозанлык да продовольствий министерствыжын увертарымыж почеш, 26 сентябрьлан республикыште пырчан да отызан культурым чумыр 141 тӱжем утла гектар гыч 111,5 тӱжем гектарыштыже солымо, тышеч 111,1 тӱжем гектарыштыже шийме. Тидыже 79 процент лиеш. Ик гектарлан шотлымаште кокла шот дене 20 центнер дене лектеш (ӱмаште 18 центнер лийын).