УВЕР ЙОГЫН

Кок лӱмгече чумыра

3-5 октябрьыште Ханты-Мансийск олаште «Ханты ясанг» газетын 60 ияш лӱмгечыжым, тыгак «Ленин пант хуват» («Ленин корно дене») газетын икымше редакторжо Г.Лазаревын 100 ияш лӱмгечыжым пайремлат. Тиде кышкарыштак Финн-угор прессын VIII всероссийский фестивальже эрта.   

УВЕР ЙОГЫН ЯЛ ИЛЫШ

Ынде пырчымат ончен кушта

Курыкмарий район гыч фермер-экспериментатор Андрей Бабушкин нерген газетна ятыр гана серен гынат, угыч возаш могай-гынат амал лектынак шога.  Але марте тудо пареҥге ден пакчасаскам ончен куштен гын, тений тергыме шот дене икымше гана пырчан культурым ӱден да шурным поген налын. 

УВЕР ЙОГЫН

«Кугу Какшан» грантым налеш

«Кугу Какшан» заповедник Марий Эл Республик вуйлатышын грантшылан конкурсышто республик кӧргысо туризм областьыште шке проектше дене сеҥышыш лектын.  Тудын пашаеҥже-влак Килемар районысо Шушер поселко воктене тунемме-палдарыше экскурсий-влакым эртараш кава йымалсе «Янлык тӱнян заповедный кугыжанышыже» экспозицийым ышташ пижыныт. Шонымашыштым илышыш шыҥдарышашлан 46 тӱжем теҥге ойыралтшаш. Снимкыште: «Кугу Какшан» заповедникыште чыла янлыклан ласка.