ТАЗАЛЫК

Темленыт, каҥашеныт да иктешленыт

Тазалыкым аралыме министерствыште тӱҥ врачын кечыже эртен. Совещанийыште Йошкар-Оласе йоча эмлымверын тӱҥ врачшым алмаштыше Ю.Зейтулаева инвалид йоча-влакым обслуживатлыме да реабилитироватлыме нерген каласкален. 

РУБРИКИ

Ынде кажныжым космонавт вашлиеш

20 октябрьыште Звенигово районысо Какшамарий ялыште да верысе тӱвыра пӧртыштӧ кумдан чапланыше космонавт Андриян Николаевын сандалыкыш икымше гана чоҥештымыжлан 55 ий теммылан пӧлеклалтше мероприятий-влак эртышт. Мариинско-Посадский лесотехнический техникумышто тунеммыж годым 1947 ийыште тиде ялыште практикым эртымыж жапыште илыме пӧрт турашке тудлан шарнымаш кӱм вераҥдышт. 

ЕШ ИЛЫШ

Толшым-кайышым, пурышым-лекшым «эскерат»

Звенигово районысо Какшамарий ялыш пурымеке, Октябрьский уремыште пурла велне шинчалан вигак моткочак ойыртемалтше сурт-оралте логалеш. Рашрак каласаш гын, пече гоч вуйыштым луктын сакыше сурткайык ден янлык-влак. Агытан, пырыс да пий пуйто кажне толшым-кайышым, пурышым-лекшым «эскерат».  

ШКОЛ ЙОЛГОРНО

Самырык туныктышо: «Икшыве-влак мылам шулдырам пуат»

Уста туныктышо Оксана ИЛЬИНА дене тений шошым «Марий йылмым эн сайын туныктышо» республикысе конкурсышто палыме лийынна. Тудо йоча-влак дене кылым муын, нуным предметшылан шӱмаҥден моштымо дене ойыртемалтын. Сеҥышыш лектын огыл гынат, пашаж верч йӱлымыжӧ шижалтын. Тудын дене конкурс деч вара вашлийын мутланышна.