КУЛЬТУР ДА ИСКУССТВО

«Айо» Курыкмарийыш сеҥымаш дене пӧртылын

23-25 июньышто Рязань областьысе Сасово олаште композитор А.П.Аверкинлан пӧлеклалтше калык усталык фестиваль колымшо гана эртен. Тушко Угарман, Тамбов, Рязань, Ростов кундемла, Москва, Самара, Новосибирск олала, Мордовий да Марий Эл республикла гыч солист ден усталык коллектив-влак ушненыт. Марий кундемнан чапшым Курыкмарий районысо «Айо» фольклор ансамбль нӧлтен. Фестиваль жапыште 14 еҥан коллектив регион-влак кокласе калык муро конкурсышто […]

КУЛЬТУР ДА ИСКУССТВО

Усталыкым вияҥдаш кумылаҥдыше вашлиймаш

23 гыч 25 июнь марте  М.Шкетан лӱмеш Марий кугыжаныш драме театр пелен пашам ыштыше усталык лабораторий финн-угор драматург-влаклан «Усталыкым вияҥде» лӱман семинарым эртарен. Тиде проект М.Кастрен обществын полшымыж дене шукталтын. Тушко Марий Эл, Мордовий, Удмуртий республикла гыч палыме драматург, режиссер возаш тӱҥалше автор, театрын артистше-влак чумыргеныт.  Семинарым режиссер, драматург, Карелий Республик искусствын сулло деятельже Сергей […]

КУЛЬТУР ДА ИСКУССТВО

Рвезе годым чыла курымаш

27 июньышто Российыште Самырык-влакын кечыштым палемдат. Йошкар-Олаште ты пайрем 25 июньышто кумдан эртен. Эн ончыч самырык тукым В.И.Ленин лӱмеш площадьыште погынен. Тушто рӱдолан ансамбльже ден мурызыжо-влак ты пайрем дене погынынышо калыкым саламленыт, пырля мураш, кушталташ ӱжыныт. Ола мучко икмыняр площадке пашам ыштен. Чавайн бульварыште «Изи Арбат» программе шке йырже чумырен. Тушто самырык толкын, клуб, организаций, […]

КУЛЬТУР ДА ИСКУССТВО

Ӱдыр-влак кумылым налын моштеныт…

Йошкар-Олашет эртыше пеледыш пайремыште «Марий ӱдыр» моторлык конкурс шке йырже ятыр калыкым чумырен. Усталыкым, уш-акылым куд конкурсышто Марий Эл гыч гына огыл, Марий кундем деч ӧрдыжтӧ илыше ӱдыр-влакат ончыктеныт. Чылаже 10 еҥ таҥасымашке ушнен: Шернур район гыч Татьяна Кудряшова, Параньга район гыч Анжелика Обухова, Удмурт Республик Алнаш район Варале ял гыч Лилия Алексеева, Провой вел […]

КУЛЬТУР ДА ИСКУССТВО

Пеледышын моторлыкшо чоным савырен…

Пеледыш пайремыште Сеҥымашын ХХХ-шо идалыкше лӱмеш тӱвыра полат воктенсе площадкыште «Саскавий» марий ӱдырамаш ушем «Пеледышлан – пеледыш» конкурсым эртарен. Тушко Марий Элын тӱрлӧ районжо гыч 10 ӱдырамаш ушнен. Конкурсант-шамыч пеледыш гыч тӱрлӧ оҥай композицийым, аршашым, вуйшӱдышым, аппликацийым ыштеныт. Тыгодым нуно пашаштым почын ончыктеныт. Икте пеледыш нерген муралтен пуэн, весе оҥай сценкым ончыктен, кумшо шке возымо […]

КУЛЬТУР ДА ИСКУССТВО

«Шочмо йылмем чотрак йӧраташ тӱҥалынам»

Тачысе лаштыкнан унаже – Медведево кундемын чолга да мотор ӱдыржӧ Анна ТАНЫГИНА. Тудо кызыт Казаньыште ила да тунемеш. – Анна, тый кушташат, мурашат кертат. Тидлан тыйым кӧ шӱмаҥден? – Авам ден ачамат чоҥышо улыт. Туге гынат лач нуно мыйым мураш, кушташ кумылаҥденыт. Тыгак Национальный президент школышто тунемме пӱртӱсын пуымо мастарлыкем шуарен. Тау тусо туныктышо-шамычлан. Вара […]

КУЛЬТУР ДА ИСКУССТВО

Аралтышымат ышташ туныктеныт

    12 июньышто Российын кечыжым палемдымашке Ленинград областьысе илыше марий-шамычат кумылын ушненыт. Областьысе «Ший корно» НКА-н чолга еҥже-влак Всеволожск олаште илыше тӱрлӧ калык дене пырля таҥ ошкыл каеныт. Варажым национальный коллектив-влак концерт дене куандареныт. Марий-влакын «Югорно» ансамбльышт мурымаш-куштымаш дене палдарен. Тыгак   марий кидмастар-влакын пашаштымат ужаш йӧн лийын. Г.Белашова аралтышым ышташ туныктен. Л.ШАБДАРОВА. Снимкыште: «Югорно» […]

КУЛЬТУР ДА ИСКУССТВО

Килемар кундемыште Акпатыр кӱслем шоктен

10 июньышто Э.Сапаев лӱмеш опер да балет театр Килемар районысо Арда селасе «Раздолье» турист комплексыште «Акпатыр» спектакльым ончыктен.  Тидыже – тусо кундемыште илыше-влаклан веле огыл, уло марий калыклан кугу событий. Вет молгунамсе семын марий калыкнан илышыж нерген каласкалыше постановкым сценысе декораций огыл, а пӱртӱс сылнештарен. Тӱҥ партийым Владислав Калашников (Акпатыр), Александр Столбов (Эвай), Елена Никитина […]

КУЛЬТУР ДА ИСКУССТВО

Сӱанлан кӧра кечат шыратен ончен

«Сӱан» мутым колмеке, шинчаончылно гармонь, тӱмыр, шӱвыр йӱкеш торашке йоҥгалтмыже, чинчын-вунчын волгалтше вургеман сӱан вате-влак, ӱдыр ден каче сӱретлалтыт. Тиддеч посна чынжымак нимогай  сӱан огеш лий. Тӱрлӧ кундемыште ты пайремым тӱрлӧ семын эртарат. Сӱан йӱлам шуктымым кодшо шуматкечын Морко посёлкышто «Сӱан пайремыште» ужын кертна. Регион-влак кокласе фестиваль-конкурс тений кумшо гана эртен. Тушко Марий Эл Республик […]

КУЛЬТУР ДА ИСКУССТВО

 «Мый Российым чапландарем»

Татарстанысе Агрыз район Пелемеш тӱвыра пӧртыштӧ Российын кечыжлан пӧлеклалтше «Мый Российым чапландарем» пайрем концерт эртен. Буймо школын да Пелемеш тӱналтыш школ-садын икшывышт чапле номер дене калыкым куандареныт. Нуно тачысе сем почешат кушталтеныт, оҥай сценкым модыныт, почеламутым лудыныт, марлат, рушлат муралтен пуэныт. Варажым чыланат «Мыйын Россием» мурым йоҥгалтареныт. – Икшывына-влак, те элнан ончыкылыкшо улыда. Тачысе усталыкда […]