КАЛАСЕ, "МАРИЙ ЭЛ"

Йодса – вашештена: Такистын оксаже уке гын?

Кодшо гана такси дене кудалме годым водительлан 500 теҥгем веле манын ончылгоч увертарышым. Тудо мыланем «сдачем уке» вашештыш. Тидын шотыштак рашемдынем: таксистын сдачыже уке гын, кӱлеш верыш миен шумеке, пассажирлан ончыч оксам вашталтен толаш темла, а уке гын, ом наҥгай манеш гын, тыгай годым мом ыштыман? 

КАЛАСЕ, "МАРИЙ ЭЛ"

Каласе, «Марий Эл»…: Таҥасымаш лиеш мо?

Йошкар-Оласе «Марий Эл» ий полатыште икмыняр ий почела синхрон куштымаш дене Россий кӱкшытан первенстве эртен. Тушто республикна  гычат команде вийжым терген. Мыланем спортын тиде мотор видше моткоч келша, эреак ончаш тыршем. Палымем шуэш: тений синхрон мунчалтымаш дене таҥасымаш тыште лиеш мо да, кызыт верысе «Ариада» команде могай результатым ончыкта? 

КАЛАСЕ, "МАРИЙ ЭЛ"

Лудшын йодмыжо почеш: Кушто муаш, кӧ деч йодаш?

Пытартыш ийлаште Кугу Отечественный сарыште лийше-влакын персональный данныйышт дене палдарыше документ-влакым Интернет полшымо денат муаш йӧн лектын. А тыгай уверым кычалше-влак улыт. Сандене нунылан полшымо амал денак тыгай адрес-влакым савыктена. 

КАЛАСЕ, "МАРИЙ ЭЛ" СОЦИАЛЬНЫЙ ИЛЫШ

Каласе, «Марий Эл»…: Креслым кушто олмыктат?

Кодшо ий мучаште эргым аварийыш логале, тупрӱдыжым изишак эмгатыш. Врач икмыняр жаплан инвалид кресле-коляскыш шинчаш темлыш. Улан оксана ыш ситат, вич ий пайдаланыме кресле-коляскым кид гычын нална. Шукерте огыл тудо «чыгынаш» тӱҥале. Каласыза, пожалуйста, Йошкар-Олаште инвалид кресле-коляскым кушто олмыктат? Л.Курочкина. Кужэҥер район. Йодышлан «Доступная среда» ресурс рӱдерын директоржо М.Сафин вашешта: – Могай азапыш логалмыдам пеш […]