МАРИЙ ЙӰЛА

Ончычсо йӱлам ынышт мондо манын

Марий калык ожнысек тӱрлӧ йӱлам шуктен ила, кертме семын тидлан кушкын толшо тукымымат кумылаҥда. Кодшо арняште Оршанке посёлкысо культур пӧртыштӧ эртыше «Кугезе вож» фольклор фестивальыште лийме тидын нерген пеҥгыдемден ойлаш амалым ыштен. Фестивальыште Волжский, Морко, Курыкмарий, Звенигово, Кужэҥер, Марий Турек, У Торъял, Медведево, Оршанке, Шернур районла гыч икшыве-влак тошто йӱлам, калык пайремым палымыштым ончыктеныт.