Автор: Лидия Шабдарова

Россий УМВД-н миграций йодыш шотышто Йошкар-Оласе пӧлкаже у оралтыш куснен. 

Йошкар-Оласе ик школышто аутизм черан йоча-влаклан классым ышташ шонат. Тидын нерген Калык фронтын Марий Элысе пӧлкажын эксперт заседанийыштыже кутыреныт. Тыгай классым почмо нерген йодмаш дене ача-ава-влак ОНФ-ыш лектыныт. Палемдыман, тазалык шотышто ойыртемалтше икшывын образованийже дене кылдалтше йодышым тений шошым Марий Эл правительствыште нӧлталыныт. Ача-ава-шамычлан тыгай классым почаш 14-ше №-ан гимназийыште темленыт, молан манаш гын тиде […]

Калык фронтын рӱдӧ штабшын еҥже, Йошкар-Оласе 29-ше №-ан школын директоржо А.Кузнецов шкем шке пытараш шонышо икшывым ончылгоч кузе шижаш лийме дене кылдалтше пособий-влак кӱлыт манын палемден. 

23-29 июльышто Курыкмарий район Кулаковы селасе Красноволжский школышто самырык-влакын культурно-исторический «КРАВЕЦ» форумышт эртен. Тудо визымше гана шке омсажым почын. Тушко 100 наре ӱдыр-рвезе чумырген. 

Шернур район Ведаснур ялыште тиде кундемыште илыше-влакым шарныктарыше стелым почыныт. Тудым Совет Ушем Герой, ты ялын шочшыжо И.Г.Отмаховын шарныктыш кӱжӧ воктене шогалтеныт. 

Морко район Шеҥше селасе уремла дене кудал эртыме годым икмыняр пеледыш клумбо шинчалан перныш. Тыгай моторлыкым кӧ ыштен кертын манын шоналтышым да, тидым пален налаш манын, верысе администрацийыш пурен лектым. Ял шотан илем вуйлатыше Полина Сергеевна Иванова кундемым тӱзатымаште Матвеевмыт еш полша манын каласыш да нунылан кугу таум, тазалыкым, еш пиалым тыланыш. 

Марий Эл Республик вуйлатышын стипендийжым пуымо эксперт советшын заседанийыштыже 2018-2019 ийласе стипендиат-влакын спискыштым пеҥгыдемденыт. Оксам 59 еҥлан пуаш палемдыме. Тушеч 28 еҥ – ссузлаште тунемше (1600 теҥге), 22 еҥ – вузласе студент-влак (2400 теҥге) , 9 еҥ – аспирант-шамыч (3000 теҥге). 

Шернур район Овдасола ялыште тиде кундемын кок эргыжлан Марий Элын сулло артистше Василий Павлов ден М.Шкетан лӱмеш марий национальный драме театрын артистше Геннадий Васильевлан шарнымаш оҥам почаш шонат. 

Амалкалчын пашаж нерген утларак пален налнет, шке пашам почнет гын, тидым самырык-влакын «Поволжье-2018» бизнес-форумышто ышташ лиеш.  Тудо 28-31 августышто Угарман кундемыште Нижний Новгород ола воктенсе «Волга» отельын кумдыкыштыжо эрта. 

4 июльышто «Марий Эл Республикын самырык-влакын кадр резервышт» республикысе конкурс эртен.