УВЕР ЙОГЫН

Кужэҥер районышто «Шокто, гармонь – калыкын чонжо» калык усталык фестиваль эртен

Кужэҥер районысо Агытансола ялыште «Шокто, гармонь – калыкын чонжо» калык усталык фестиваль эртен. Тудо тале гармоньчо, ушан-шотан педагог, просто сай айдеме Е.Волковлан пӧлеклалтын. 

УВЕР ЙОГЫН

Кадр йодыш: Тачысе студент – эрласе пашаеҥ

Марий Эл Республикын Тазалыкым аралыме министерствыже Республикысе клинический эмлымверыште 5-ше курсышто «Лечебное дело», «Педиатрий», «Медико-профилактическое дело» специальность да 4-ше курсышто «Стоматологий», «Фармаций» специальность дене целевой направлений почеш тунемше студент-влак дене вашлиймашым эртарен. Тушко республикысе медицине организацийлам вуйлатыше-влакымат ӱжын. Вашлиймаште тӱҥ шотышто ончыкылык паша вер да вузым тунем пытарыме деч вара ординатурыш пурымо нерген мутланеныт. 

ТАЗАЛЫК УВЕР ЙОГЫН

Марий Элыште пудий 1165 еҥым пурлын

Эпидсезон тӱҥалме деч вара Марий Элыште пудий 1165 еҥым пурлын, ты шотыштак – 258 йочам. Лабораторий шымлымаш пудий боррелиоз дене черланыме вич случайым пеҥгыдемден. Тиде чотыш тӱҥ шотышто Йошкар-Олаште да Медведево районышто илыше-влак логалыныт. 

УВЕР ЙОГЫН

Статистике: Кӧ эн поян, а кӧ эре нужна?

Маристатын данныйже почеш, тений майыште республикыште кокла пашадар 27723,6 теҥге лийын. Тидыже кодшо ий тыгаяк жап деч 4 процентлан шагал. Тыгодымак тений январь-майыште ӱмашсе тыгаяк жап деч пашадар 5,2 процентлан шукырак лектын. 

УВЕР ЙОГЫН

Марий Турек районышто янлык-влакын орымаш черышт ылыжын

Марий Турек посёлкын Нагорный уремыштыже верланыше ик сурт-печыште янлык-влакын орымаш черышт ылыжын. Тидлан кӧра Марий Эл Республикым вуйлатыже А.Евстифеевын 11 июльышто лукмо кӱштымашыж почеш райрӱдыштӧ да тудын йыр верланыше кундемлаште карантиным увертарыме.