УВЕР ЙОГЫН

Лӱддымӧ ден чулым-влаклан пӧлеклалтын

Кодшо кугарнян Йошкар-Олаште Э.Сапаев лӱмеш кугыжаныш опер да балет театрыште Российын гражданский обороныжлан 85 ий теммылан пӧлеклалтше мероприятийыш погынышо утарыше, пожарный, гражданский обороно пашам шуктышо да службын ветеранже-влакым Марий Эл правительстве председательын икымше алмаштышыже Сергей Сметанин саламлен. 

УВЕР ЙОГЫН

Шеҥгелне огына шӱдырнӧ

Кодшо кугарнян Пензыште Россий президентын Юл кундем федерал округышто полномочный представительже Михаил Бабичын вуйлатымыж почеш округын советшын заседанийже эртен. Тушто Марий Эл Республикым вуйлатыше Александр Евстифеев лийын. 

УВЕР ЙОГЫН

Кодшо арняште Марий Элыште 12 пожар лийын

Марий Элысе МЧС-ын увертарымыж почеш, кодшо арняште республикыште 12 пожар лийын. Пелыже – Волжский районышто. Каныш кечылаште гына ты кундемыште ныл вере пожарым йӧрташ пернен. Арня мучко тул кок оралтым пытарен, ик еҥ эмганен. 

УВЕР ЙОГЫН ЯЛОЗАНЛЫК

Шурным погымо тургым эркын ушна

Марий Элын Ялозанлык да продовольствий министерствыжын увертарымыж почеш, 26 сентябрьлан республикыште пырчан да отызан культурым чумыр 141 тӱжем утла гектар гыч 111,5 тӱжем гектарыштыже солымо, тышеч 111,1 тӱжем гектарыштыже шийме. Тидыже 79 процент лиеш. Ик гектарлан шотлымаште кокла шот дене 20 центнер дене лектеш (ӱмаште 18 центнер лийын). 

ТАЗАЛЫК УВЕР ЙОГЫН

Кок йочам эмлалташ ӱжыныт

Кодшо арнян Федеральный рӱдерын врачше-шамыч Йошкар-Олаште илыше йоча-влакын тазалыкыштым тергеныт. Тиде мероприятийым Российын  Тазалыкым аралыме министерствыжын Юл кундемысе федеральный медицине шымлыме рӱдерже, Марий Эл Республикын Тазалыкым аралыме министерствыже да Марий кугыжаныш университет организоватленыт. 

СПОРТ

Ямдылалташ – курык коклаш

Олимпийский резерв училище гыч куштылго атлет-влак Кисловодскыш, сборыш тарванат. Тиде училищын куштылго атлетике дене тренерже К.Лукьянов тунемме-тренировочный сборыш вич спортсменым наҥгая.