УВЕР ЙОГЫН

Ӱлыкӧ веле огыл, кӱшкат ончыза

Йошкар-Оласе 5-ше №-ан поликлиникын, травмпунктын, увертарымыж почеш, февральыште кок пӧръеҥ пӧрт ӱмбачын волен вочшо лум йымак логалмылан вуйым шийын толын. Медик-влакын тергымышт деч вара рашемын: пӧръеҥ-влакын тазалыкыштлан кугу эҥгек лийын огыл, сандене когыньыштымат мӧҥгышкышт колтеныт. 

УВЕР ЙОГЫН

Шарнымаш сорта: Шочмо кечыжлан – мемориал оҥам

Теҥгече Марий Эл Республик здравоохраненийым вияҥдымашке кугу надырым пыштыше, 55 ий врач-педиатрлан ыштыше, Россий Федерацийын да Марий Элын сулло врачше, Россий здравоохраненийын отличникше, Йошкар-Олан почётан гражданинже, Йошкар-Оласе йоча эмлымверын тӱҥ врачше Л. Соколован шочмыжлан 80 ий темын. Тидын дене келшышын, Йошкар-Оласе йоча эмлымверыште Лелия Ивановналан мемориал оҥам почыныт. 

КАЛАСЕ, "МАРИЙ ЭЛ"

Юрист умылтара: Марием кочывудлан шӱман…

Марием кочывӱдым чотак йӱеш. Тидлан кӧрак, аракам кевытыште налаш манын, сурт гыч тӱрлӧ арверым наҥгаен ужалкала. Ала каҥашым пуэда: кузе мый тудым чарен кертам? Е.Торопова. Йошкар-Ола. Йодышлан Медведево районысо прокурорын кугурак полышкалышыже М.С.Егошин вашештен:  – РФ Законодательстве дене келшышын, гражданин азартный модыш дене модеш, спиртан йӱышым йӱеш але наркотик средстве дене чот пайдалана, тидлан кӧра […]