СОЦИАЛЬНЫЙ ИЛЫШ

«Инвалид» палым кушто налаш?

«Инвалид» манмым ончыктышо палым граждан-влак илыме верысе медико-социальный экспертизын бюроштыжо налшаш улыт.

Калыкын палынак чӱчкыдын йодын толмыжым шотыш налын, Марий Эл Республикын Социальный вияҥмаш министерствыже «Инвалид» знакым налме радам дене палдара: тудо инвалидын илыме верысе медико-социальный экспертизе бюрошто йодмаш негызеш оформитлалтеш да ойыралтеш.

«Инвалид» манмым ончыктышо палым пуымо радамым Российын Паша министерствыже 2018 ий 4 июльышто 443н №-ан кӱштымашыж дене пеҥгыдемден.

«Инвалид» пале чыла группышто улшо инвалид-влаклан автомашинаштым яра (тӱлыдымӧ) парковкыш шогалташ правам пуа. Тиде льгото инвалидым кондыштарыше транспорт средстваланат пуалтеш.

«Инвалид» манмым ончыктышо пале йодмашым регистрироватлыме деч вара 1 тылзе жапыште оформитлалтеш, посна инвалидлан пеҥгыдемдалтеш да тудын пайдаланыме, тыгак кондыштарыме автомашинаште гына кучылталтеш.

М.ИВАНОВА.

Опубликовать в Одноклассники

Добавить комментарий