ПЕНСИЙ СОЦИАЛЬНЫЙ ИЛЫШ

«Студент-влакым» саламленыт

Кумшо ийготын университетыштыже шымше у тунемме ий тӱҥалын. «Студент-влакым» уна ден кумшо ийготын университетыштыже тунемше-влак саламлаш толыныт. Мероприятийысе чыла еҥлан университет мучко виртуальный экскурсийым эртареныт, тунемше-шамыч концертым ончыктеныт.

Марий Эл Республикын социальный вияҥмаш министржын алмаштышыже Эдуард Загрутдинов «студент-влакым» у тунемме ий дене саламлен да оҥай шинчымашым, шарнымашым погаш, икте-весе дене палыме лияш тыланен. «Чолгыжшо шинчада, энтузиазмда тунемаш нигунамат вараш кодмо огыл манмым пеҥгыдемда», – палемден тудо.

Ушештарена, кумшо ийготын университетше 2012 ийыште Марий кугыжаныш университетын Педагогике да психологий институтшын базыштыже почылтын. Илалше-влак дене пашам ыштыме тиде у формыш просветительский да тунемме курс-влакым, усталык мастерскойым, тӱрлӧ программе дене туныктымо курслам пуртымо.  

М.ИВАНОВА.

Опубликовать в Одноклассники

Добавить комментарий