КУЧЕМ УВЕР УВЕР ЙОГЫН

Пырля паша лектышымат сайым пуа

Марий Эл Республик вуйлатыше ден Беларусь Республикын премьер-министржын алмаштышыже Игорь Петришенко вич ийлан ваш келшен пашам ыштыме нерген ойпидышыш кидпалыштым пыштеныт.

 Документ дене келшышын, кок республик коклаште торгово- экономический, нучно-технический, культурный да гуманитарный вашкыл пеҥгыдемшаш. Ойпидыш Беларусь ден Российысе регион-влакын Могилёвышто эртыше визымше форумышт годым ышталтын. Тушто Федераций Советын спикерже Валентина Матвиенко, Беларусьын Национальный Собранийжын Республик Советшын председательже Михаил Мясникович лийыныт. Ойпидышлан кӧра кок республик научно-технический, тӱвыра, здравоохранений, спорт ден туризм сферылаште пырля пашам ышташ, творческий коллектив-влак икте-весе деке кошташ тӱҥалыт, самырык-влакын да мер оргагнизаций-шамычын кылышт пеҥгыдемеш. Тыгак кок велжат торгово-экономический кылын чыла направленийже дене икте-весым палдарышаш да пырля эртарыме ярмиҥга, ончер, аукцион да моло меропряитийыш ушнышаш улыт.  

 Марий Эл ден Беларусь коклаште социальный, экономический да тӱвыра сферыште партнер семын пашам ыштыме опыт тугакат уло. Тиде кыл умбакыже эшеат чотрак вияҥшаш.

Россий Президент В.Путин форумышто Марий Элын Беларусь дене вашкылым вияҥден толшо регион-влакын радамыштышт улмыжым палемден. Пленарный погынымаштат кок эл коклаште вашкылым вияҥдаш полшен кертше тӱҥ направлений-влак нергенак мутланеныт.

«Регион-влакын ваш келшыме правовой базыштым 320 документ пеҥгыдемда. Тиде форумышто эше икмыняр у ойпидыш да коммерческий контрат ышталтын. Мутлан, белорус рынке дене Воронеж область, Марий Эл Республик, Хант-Манси автном округ утларак пайдаланынешт», – палемден Россий Президент.

В.Путинын ойлымыж гыч раш: Москва Минск дене чыла направлений шотыштат поро пошкудо семын да кок велжыланат пайда лийже манын, кылым вияҥдынеже. Тыгак лиеш гын, кок эл коклаште товарооборот 50 миллиард теҥге марте кушкын кертеш. Тыге ме, мутлан, Россий ден Индий кокласе товарооборотым 5 пачаш эртен кертына.  

 

 Марий Эл Республик вуйлатышын Организаций да аналитике виктемжын уверже негызеш С.Носова ямдылен.

Опубликовать в Одноклассники

Добавить комментарий