КАЛАСЕ, "МАРИЙ ЭЛ"

Юрист умылтара: Шекланен шуктыде…

 Шекланен шуктыде, йоҥылыш вес еҥым пуштымылан могай наказанийым палемден кертыт?

 В.Красов.

Медведево район, Азаново села.

Йодышлан Медведево прокурорын кугурак полышкалышыже Л.Р.Давлетшина вашештен:

 –  РФ Уголовный кодекс дене келшышын, шекланен шуктыде, йоҥылыш  вес еҥым пуштмылан кок ий марте исправительный пашаш колтен, але кок ий марте эрыкым шыгыремден, але кок ий марте виеш пашам ыштыктен, але тыгай жапланак эрык деч посна коден кертыт.

Шке профессиональный обязанностьым кӱлеш семын шуктыдымо дене кылдалтын, шекланен шуктыде, йоҥылыш  вес еҥым пуштымлан кум ий марте эрыкым шыгыремден, але кум ий марте виеш пашам ыштыктен (тидын годым кум ий марте посна должностышто але посна пашам шукташ чаралтеш але тидын деч посна), тыгак кум ийлан эрык деч посна коден кертыт (тыгак тидын годым кум ий марте посна должностышто але посна пашам шукташ чаралтеш але тидын деч посна).

    Шекланен шуктыде, йоҥылыш кок але утларак еҥым пуштымылан ныл ий марте эрыкым шыгыремден, але ныл ий марте виеш пашам ыштыктен кертыт, але тынарланак эрык деч посна кодат да кум ий марте посна должностышто але посна пашам шукташ чарат але тидын деч посна.

 С.Носова ямдылен.

Опубликовать в Одноклассники

Добавить комментарий