КУЧЕМ УВЕР

25 ий темме лӱмеш

Республикысе нотариус-влак черетан юбилейым палемденыт: Марий Элыште Нотариальный палатым ыштымылан чырык курым темын.

Юбиляр-шамычым эн ончыч регион вуйлатыше саламлен. Александр Евстифеев палемден: нотариат – еҥ-влакын да юридический лица-шамычын законный праваштым да интересыштым аралыше гарант-влак кокла гыч иктыже.

– 25 ий темме юбилей ончыкта: элыштына нотариальный палате-влак йодмаш дене пайдаланат, нотариус-шамыч юрист-профессионал лийыныт. Икманаш, тендан пашада серьезный да йодмашан, – каласен республик вуйлатыше.

Торжественный ужашыште, погынышо-влакын совым рӱж кырыме йӱкешышт, нотариус Людмила Лежниналан Александр Евстифеев «Марий Эл Республикын сулло юристше» чап званийым кучыктен, палдара Марий Эл Республик вуйлатышын организаций да аналитике виктемже.

Л.Камалетдинова.

Опубликовать в Одноклассники

Добавить комментарий