УВЕР ЙОГЫН

Российысе Федераций Советыште Марий Эл Республикын  кечыже-влак эртат

10-11сентябрьыште мемнан республик Российысе Федерацийын Федеральный Собранийжын Федараций Советыштыже регион-влакын кечылаштыже участвоватлаш тӱҥалеш. 

Кок кече жапыште Марий Эл гыч кайыше делегаций тудын профильный комитетлаштыже регионын промышленностьышто, ял озанлыкыште, туризмыште, верысе кучемыште, IT – технологийым кучылтмаште, социальный да моло сферыште сеҥымашыже дене палдараш тӱҥалеш. Тыгак нине профильный комитет -влак регионым тургыжландарыше йодыш-влакым ончен лектыт. Мутлан, сенатор-влакын каҥашымашкышт республикын социально- экономический вияҥмыжлан, региональный проект-влакым илышыш шыҥдараш кугыжаныш велым могай полшым пуэн кертме, регионын бюдетшым баланситроватлыме шотышто йодыш-влак лукталтыт.

 Мемнан регионлан пеш кӱлешан тыгай кугу мероприятийым эртарен колтымо нерген йодышым Марий Эл Правительствын заседанийыштыже каҥашеныт. Тушто регион вуйлатыше Александр Евстифеев лийын.

 – Тидлан сайын ямыдалтман.  Ме республикым федеральный кӱкшытыштӧ сай велым ончыктышаш улына. Тиде мероприятийын лектышыжат сай лийшаш. Региональный     властьын полномочий кышкарже гыч лекше тургыжландарыше йодыш-влакым решатлымаште сенатор-влакын полышыштым муман, нуным кумылыштым савырен моштыман, – палемден Александр Евстифеев.

 Тудын кӱштымыж почешак, арня мучаш марте министерстве вуйлатыше-шамыч республикысе предприятий ден организацийлан тушто кузе участвоватлен кертмышт да могай тургыжландарыше темым нӧлталмышт шотышто йодыш-влакым рашемдышаш улыт.

Москваште эртышышашлык мероприятийлан ямдылалтме нерген доклад-влакым Марий Эл правительстве председательын икымше алмаштшыже-влак Андрей Россошанский ден Михаил Васютин ыштеныт. Нуно палемденыт: мероприятийын тӱҥ цельже – республикын имиджшым инвестицийым ышташ кумыландыше, тыгак мемнан регион тӱвыра, межрегиональный да деловой сферылаште лекше пӱсын шогалше йодыш-влакым каҥашаш да вашкылым пеҥгыдемдаш межрегиональный площадкым ыштен кертше кумдык семын ончыктыман.  

 Субьектын кечыже-влак  эртыме годым регионышто ыштен лукмо продукций ден услуго дене палдарыше ончер-влак лийыт. Нуно шым вере эртат.

Марий Элын исполнительный кучемжын органже-влак Федераций Советын комитетлажын кумдаҥдыме заседанийлаштыже каҥашышашлык теме-влакым ямдыленыт. Нунын шотышто келшен толшо комитетла дене икойыш шуаш гына кодеш. Тыгак республикыште ты кугу мероприятийым эртарен колтымо дене кылдалтше оргкомитет ышталтын.

 Марий Эл Республик вуйлатышын организаций-аналитике виктемжын уверже негызеш С.Носова ямыдлен.

Опубликовать в Одноклассники

Добавить комментарий