ЯЛ ИЛЫШ

Шернур районсо Тумерсола ялын пайремже эртыш

Каялам гын ӧрдыжкӧ,

Тыгела чучеш:

Шочмо ял вер-шӧрыштӧ

Эреак кеҥеж.

Иван Бердинский.

Тыгай вашлиймаш пытартыш гына лу ий ончыч лийын. Тунамже йӱран игече шоген.  Калыкшат шагалрак чумырген, маныт. Ты гана юмыжак кечым пуэн. Пайремым эртараш тарваныше-шамыч тынар шукын погынен толыт манын, ӱшаненат огытыл. А чынжым гын, изин-кугун вученыт лӱмлӧ землякышт-влакымат, йоча пагытыште пырля модын куржталме йолташыштымат, шукертак ял урем дене эртыдымыжымат, эсогыл уна-влакымат.

Изи ял ман, тушто илыше-влакын чонышт кумда. Урем тӱҥалтыштак «Пагален ӱжына!», а лектын кайыме годым «Уэш вашлиймеш!» манын возен сакеныт. Пуйто Тумерсола пайрем годым веле огыл, тыглай кечынат уло марий тӱням вашлияш ямде. А такше тидыже тыгак лийшаш. Вет 23 суртан (50 ий ончыч 50 утла лийын), кок уреман ял кумдан палыме марий музыкант, маэстро Виталий Шапкинын шочмо вер-шӧржӧ. Тиде ял тыгак вес чапланыше марий-влакынат, писатель, Шернур райпо председатель, Марий Элын обслуживатыше сферын сулло пашаеҥже Валерий Бердинскийлан, Э.Сапаев лӱмеш опер да балет театрын музыкантше, Марий Элын сулло артистше Василий Бердинскийлан, поэт да журналист Иван Бердинскийлан (Т.Денисован йоҥгалтарыме «Тошкемыштет пеледын ломбо», «Шуанвондо» да ятыр моло мурын авторжо), кугу илыш корныш лекташ вий-куатым пуэн. Нунын да моло нергенат краевед А.Глазыринан ямдылыме фото да альбом выставкыже шарналташ полшыш.

Кумданрак — «Марий Эл» газетын
2018 ий 27 июльышто лекше номерыштыже лудын кертыда.

Светлана Пехметова.

М.Скобелевын фотожо.

Опубликовать в Одноклассники

Добавить комментарий