СОЦИАЛЬНЫЙ ИЛЫШ

Санаторно-курортный эмлалтмашым эртыше-влакын корно роскотыштын ужашыжым пӧртылтымӧ радам вашталтын

Марий Элыште санаторно-курортный эмлалтмашым эртыше йоча-влакын корно роскотыштын ужашыжым пӧртылтымӧ радам вашталтын. 

Регионысо Социальный вияҥмаш министерствын палемдымыж почеш, санаторно-курортный эмлалтмаш шотышто тӱнен илыше, ик еҥлан шотлымаште илен лекташ лийме кугыт ситыдыме ешыште кушшо 18 ияш марте йоча-влак эмлалтме вер марте кайыме да мӧҥгеш толмо корнын чумыр роскотшо гыч пелыжым, 50 процентшым, компенсаций семын пӧртылтен кертыт.

Тиде права йочаланат, тудым кондыштарыше еҥланат пуалтеш. Социальный полышым налшашлан илыме верысе калыкым социально аралыме рӱдерыш санаторий гыч толмо деч вара пел ий жапыште миен шукташ кӱлеш.

Тымарте компенсацийым ведомость дене пуэныт гын, ынде окса йодмашым возышын кредит-финанс тӧнежыште почмо лицевой счётшкыжо колталтеш.

М.ИВАНОВА.

Опубликовать в Одноклассники

Добавить комментарий