УВЕР ЙОГЫН

Конкурс: Йодмашым пуаш вараш кодын огыдал

Волонтёр-влакын «Российын доброволецше – 2018» тӱҥ конкурсышкышт йодмашым налме жапым шуйымо.   

Тений тудым у формат – уэмдыме 12 номинаций да Акселераций программе – дене колтымо. Мутлан, «Полшаш шочыныт» номинацийыште поснак инвалид, илалше шкет еҥ, черле, янлык-влаклан полышым пуаш виктаралтше проект-шамыч участвоватлен кертыт. А «Икшыве-шамычлан полыш» номинацийыште  – неле илыш ситуацийыш логалше йоча-шамычлан полышым пуаш, тыгак икшыве-влакым туныкташ да воспитатлаш виктаралтше проект-влак.

Конкурсыш добровольческий коммерческий огыл предприятийын волонтёржо, лидерже, вуйлатышыже-влак, кугыжаныш тӧнежлан пашаеҥышт, инициативный группыла гыч 8 деч кугурак ийготан йоча-влак ушнен сеҥат.

2018 ий 5 декабрьыште Доброволец-влакын всероссийский форумышт кышкарыште конкурсын очный финальный этапше да «Российын доброволецше – 2018» премийже лийыт.

Ушештарена, «Российын доброволецше – 2018» всероссийский конкурс волонтёр-влакын социальный лифтышт семын аклалтеш. Тудо «Россия – страна возможностей» платформыш пура.

Кандаш ий жапыште тиде конкурсыш 10 тӱжем утла йодмаш пурен. А 2015 да 2017 ийлаште сеҥыше-влакым саламлыме церемонийыште Россий президент Владимир Путин лийын.

М.ИВАНОВА.

Опубликовать в Одноклассники

Добавить комментарий