РУБРИКИ

Ой-каҥаш аршаш: Телевизорым вашталташ жап шуын?

Таче ме телевизорым ончаш йӧратыше-влаклан аналоговый телесигнал дене пайдаланыме нерген радамлынрак каласкалена. 

  1. Аналоговый каналын маркировкыжо.

– РТРС (Российский телевизионный радиовещательный сеть) федерал канал-влак дене пырля «Первый канал», НТВ, 5 Канал, Рен-ТВ, ончыкыжым «Россия 1» да СТС телеканал-влакын аналоговый версийыштын логотипышкышт ешарыме аналоговый телесигналым «А» специальный литера дене маркироватлаш тӱҥалеш.  

– Экранысе «А » литера айдемын тошто аналоговый телевизорым ончымыж але цифран сигналым кучымо режимыш кусарыдыме у телевизор дене пайдаланымыж нерген ойла.

– Маркировко электронно-лучевой пучан тошто телевизорыштат, кызытсе жаплан келшыше LED-панельыштат сайын лудалтеш.

– «А» литеран маркировкым палемдыме канал-влакын аналоговый эфирышкышт 2018 ий июнь гыч аналоговый вещанийым пытарымешке шыҥдараш палемдыме.

  1. Цифран телевещанийыш куснымо нерген

– 2019 ий январь гыч Россий Федераций тичмашнек цифран эфир телевещанийыш кусна.

– «Телевещанийын Россий Федерацийыште 2009-2018 ийлаште вияҥмыже» федерал целевой программе дене келшышын, элыштына РТРС-ын вийже дене 10 каналан 2 мультиплексым транслироватлыше цифран эфир телевещаний сеть да Марий Эл Республикыште илыше 99 процент калыкым авалтыше 3 радиоканал ышталтыт.

– Цифран вещанийын сетьшым ыштымек, Российын гражданже-влак тымарте тӱлыман пакет дене гына темлалтше сай качестван телевещаний дене чылт яра пайдаланаш тӱҥалыт.

– Икымше мультиплексыште чылан ончен кертме общероссийский обязательный телеканал-влак лийыт. Тудын радамжым Россий Президентын пунчалже дене пеҥгыдемдыме.

– Кокымшо мультиплексыште Телерадиовещаний шотышто федерал конкурс комиссийын эртарыме конкурсшо негызеш ойырен налме чылан пайдаланен кертме обязательный телеканал-влак лийыт.

– Икымше да кокымшо мультиплекс-влакын сетьыштым Россий Федерацийын чыла гаяк субъектыштыже чоҥен шуктымо. Кызыт 10 тӱжем передатчик гыч 9,8 тӱжемже пашам ышта. Чыла объектым чоҥен пытарыме деч вара тичмаш сетьым 2018 ий мучаште эксплуатацийыш колтат.

– Цифран вещанийыш куснымо шотышто россий проект таче кечылан тӱнямбалне эн куатлылан шотлалтеш.

– Мланде ӱмбалсе эфир вещаний деч ӧрдыжтӧ илыше 1,6 процент калыклан телепрограмме-влакым спутник вещаний системе дене пайдаланен ончаш йӧн ышталтеш.

  1. Цифран сигналым принматлаш пользвательын оборудованийже

– Цифран программе-влакым ончышашлан DVB-Т2 форматан телевизор але тошто телевизорыш шындаш келшыше цифран приставке кӱлыт.

– Тошто телевизор дене пайдаланыше-влак 2019 ий январь марте у оборудованийым огыт нал гын, шуко федерал телепрограммым ончен огыт керт.

  1. Экраныште «А» литерам ужында гын

– Телевизордан настройкыштыжо оборудованийын цифран сигналым кучен кертмыжым тергыза.

– Телевизорда цифран сигналым ок кучо гын, 2019 ий январь марте у телевизорым але цифран приставкым налза.

– Илыме верыштыда цифран телесигнал улмым «РТРС» ФГУП-ын федерал «шокшо линийышкыже» 8-800-220-20-02 номеран телефон дене йыҥгыртен рашемден кертыда. Тиде да моло йодышлан вашмутым тыгак РТРС.РФ адрес дене «РТРС» ФГУП-ын уверым пуышо интернет-порталыштыше муаш лиеш.  

М.ИВАНОВА.

Опубликовать в Одноклассники

Добавить комментарий