ШИНЧЫМАШ КУГОРНЫШТО

Образований: Тунемаш пурымо деч ончыч тергыман

Образований да науко сферыште надзор шотышто федеральный службо ушештара: вуз-влак абитуриент-шамыч деч йодмашым 20 июнь деч вара огыл налаш тӱҥалшаш улыт. 

Вузыш але филиалышкыже документым пуымо деч ончыч тудын действующий лицензийже, тыгак тунемаш ойырен налме программе дене кугыжаныш аккредитацийже улмым рашемдыман. Тидым «Карта вузов» порталыште тергаш лиеш.

Кугыжаныш аккредитаций уке але тудым чарен шогалтыме гын, вузын кугыжаныш иктешлыше аттестацийым эртараш, Российысе Образований да науко министерствын палемдыме образецшан дипломым пуаш праваже уке. Тыгай вуз-влакым пытарыше-шамычлан тиде посна профессионал пашам шукташ чаракым ыштен кертеш.

Тылеч посна вузын программыжым кугыжаныш аккредитаций деч посна кодымо але чарен шогалтыме годым тунемше-влаклан РФ Вооруженный вийыш службышко налме деч отсрочкылан гарантий огеш лий. Тыгак тудо тунемаш ава капиталым кучылт огеш керт, магистратурын да аспирантурын аккредитоватлыме программышт дене тунеммашым шуяш йӧн деч посна кодеш.

ЕГЭ-н иктешлымашыж дене гына тунемаш пурышо абитуриент-влак кокла гыч шукыштлан документым налмаш 26 июльышто мучашлалтеш.

Абитуриент-влаклан творческий да (але) профессиональный направленностян ешартыш вступительный тергымашым эртарыше вуз-влак документым 7 июль деч ончыч налмым чарнышаш огытыл.

Тунемаш пурымо нерген йодмашым абитуриентын 5 деч шуко огыл вузыш пуаш да кажныштыже 3 специальность да (але) направлений дене конкурсыш ушнаш праваже уло.

ЕГЭ иктешлымаш деч посна абитуриент вузыш шкенжын иктешлыше сочиненийжым да портфолиожым пуэн кертеш. Ешартыш баллым налаш ГТО-н шӧртньӧ значокшо, волонтер паша, СПО-м отличий дене пытарыме диплом але аттестат улмо, олимпиадылаште лийме результат, моло полшен кертыт.

Л.Камалетдинова.

Опубликовать в Одноклассники

Добавить комментарий