УВЕР ЙОГЫН

Марий Элыште суд пунчалым шуктымо паша сайын кая

Марий Эл Республикым вуйлатыше Александр Евстифеев Суд пристав-влакын федеральный службыжын директоржо – Россий Федерацийын тӱҥ суд приставше Дмитрий Аристов дене вашлийын. 

Мутланымаш мемнан регионысо суд пристав-влакын пашаштым саемден колтымо нерген каен.

– Ме суд пунчалым шуктымо шотышто пеҥгыдын йодына. Кодшо ийысе паша лектыш почеш, правительстве да республикын парымже дене кыдалтше 871,2 миллион теҥгеаш суд пунчалым шуктымо. Бюджетнан 25 миллиард теҥге гына улмыжым шотыш налаш гын, тидыже сай окса, – палемден регион вуйлатыше.

 Республикысе суд пристав-влакынат сай пашажым тудо ончыктен: «Экономике отношенийыште порядке лийшашак. Экономике ден бюджетым пойдараш полшышо предприниматель-шамычат тидым палышаш улыт. Чылажат нунылан ончыкыжымат толшо инвестиций дене пайдаланен, шкенан денак регистрироватлалтын пашам ышташ йӧным почеш».

 Мутланымаш годым поснак кугу тӱткыш илыме-коммунальный озанлыкыште парыман-влак дене, тыгак пашадырам тӱлыдымаш ваштареш кучедалме шотышто ведомство кокласе кыллан ойыралтын.

 «Марий Элыште ты шотышто ситуаций начар огыл, 80 наре процент производство шукталтеш. Тидыже Российсе моло тыгаяк показатель деч сайрак», – палемден тӱҥ федеральный суд пристав.

 «Мемнан терирриториальный орган-влак федераций субьектын исполнительный кучемжын органже-влак дене пырля пашам ышташ тыршат. Ваш тӱкнымо точкыжат ятыр. Мутлан, пашадар шотышто парым. Марий Эл ты шотышто сайын пашам ышта. Тыштат 80 процент производствыжо шукталтеш, Россий мучко 10 процентше веле. Илыме коммунальный озанлыкыште парымым шӧрымо шотыштат тендан республикыште паша Российысе моло регионла деч сайын вораҥеш, – рашемден  тӱҥ федеральный суд пристав.

 Мутланымаш годым кок велжат ончыкыжым ваш келшен да полшен пашам ышташ ойым пидыныт.

 С.Носова.

Опубликовать в Одноклассники

Добавить комментарий