КАЛАСЕ, "МАРИЙ ЭЛ"

Юрист умылтара: Чарак уло

Пай йӧн дене чоҥымо ойпидышыш чоҥышо  шуко пачашан пӧртым нӧлтен пытарыме  да тудым пайщиклан пуымо срокым шке гыч вашталтен кертме  условийым закон почеш пуртен сеҥа мо?

А.Нежданова.
Йошкар-Ола.

Йодышлан Марий Эл Прокуратурын Федеральный законодательстым шукталтымыжым эскерыше пӧлкан прокуроржо Мария Анохина вашештен:

 – Чоҥышо пай дене чоҥымо участниклан обьектым ойпидышыште ончыктымо срок дене келшен толшын сдатлышаш.

 Ойпидышыште ончыктымо срокым пудыртен гын, чоҥышо пай дене чоҥышо участниклан  неустойкым (пеним) тӱлышаш. Тудын кугытшо РФ Рӱдӧ Банкын рефинансирований ставкыжын ик кумшӱдымшо ужаш кугытшо лиеш. Ойпидыш дене келшышын палемдыме срокышто чоҥымо паша мучашлалт ок керт гын, чоҥышо тидын нерген палемдыме срок деч кок тылзе деч вара огыл пай дене чоҥышо участниклан шижатрышаш да ойпидышым вашталтыме нерген темлымашым ыштышаш. Тыге лиеш гын, пай дене чоҥышо участник  ойпидышым кӱрлын да мыняр тӱлымӧ оксажым пӧртылташ йодын кертеш.

 Потребительын праважым шыгыремдыше условийым ойпидышыш пурташ законодательстве чара. Тыгай лиеш гын, тидым ыштышым административный штраф вуча. Тыгай пример мемнан республикыште «Медведевысе чоҥышо компаний» ООО дене лийын.

 С.Носова ямдылен.

Опубликовать в Одноклассники

Добавить комментарий