КАЛАСЕ, "МАРИЙ ЭЛ"

Йодыш – вашмут: Кушто торым огыт кышке, тушто яндар

Тӱрлӧ торым закон дене келшыдымын кышкымылан  штрафым тӱлыктат манын колынам. Тыгак мо? 

 В.Зайцев.

Йодышлан Марий Элын Пӱртӱс поянлык, экологий да йырым-йырысе средам аралыме министерствыжын пресс-службыштыжо вашештеныт:

 – Поснак шошым да кеҥежым закондымын ышталтше тӱрлӧ быт шӱкшакым кышыкыме вер шотышто вуйшиймаш мемнан министерствыш чӱчкыдын пура. РФ Законодательстве дене келшышын, производство деч кодшо торым тидлан посна ойырымо урно ден контейнерлаш гына кышкаш лиеш. Тыгак муниципалитетласе але посна еҥ-влакын тӱшкан пайдаланыме кумдык ден участкылаш торым кодаш чарыме. Чодыра поласаште,  ола уремыште, шке участкыштат шӱкшакым йӱлаташ, обшественный верлаште, подъездлаште тудым оптен шындаш, контейнер площадкылам тор дене темаш  ок лий.

Шӱкшак дене кылдалтше экологий ден санитарно-эпидемиологий йодмым шуктыдымылан, РФ-ын Административный правам пудыртымаш нерген кодексше дене келшышын, штрафым тӱлаш ыштен кертыт: граждан-влаклан – 2 тӱжем теҥге марте; должностной лица-влаклан 30 тӱжем теҥге марте; посна предприниматель-влаклан 50 тӱжем теҥге марте але кум тылзе марте коммерческий пашам ышташ чарат; юридический лица-влаклан 100 тӱжем гыч 250 тӱжем теҥге марте але пашам ышташ йӧршеш чарат.

    С.Носова

Опубликовать в Одноклассники

Добавить комментарий