СПОРТ

Тӱнямбал чемпионат-2018: Лӱмлӧ еҥ-влак дене вашлиймаш

19 майыште футбол дене Аргентинысе сборныйын легендарный нападающийже Эрнан Креспо Санкт-Петербургышто футбол Паркым почын. 

Санкт-Петербург тӱнямбал чемпионатлан футбол Паркым почмо шотышто индешымше ола лиеш. Тидын деч ончыч спорт пайремлан шке омсаштым Сочиште, Волгоградыште, Саранскыште, Самараште, Екатеринбургышто, Озаҥыште, Нижний Новгородышто, Ростов-на-Дону олалаште  почыныт. Кажне гана паркым ФИФА-н легендыжлан шотлалтше ончычсо футболист-влак торжественно почыныт.

А тушко мийыше еҥлан Российыште эртышаш тӱнямбал чемпионатын официальный талисманже дене (голым пуртышо пире) войзалташ йєн пуалтеш. Тыгак робот – капка орол дене футболла модын кертыныт, шкештым текболышто (футбол да ӱстембал теннисын элементшым ушышо вид) терген кертыныт. Футбол Паркым почмашке толшо уна-влак тыгак мастер-классыште участвоватленыт, мультимедийный викторинылаште вийыштым тергеныт.

Пайрем кок кече шуйнен. Тидын деч ончыч тыгаяк мероприятий Нижний Новгородышто эртаралтын, тушто шкешотан рекорд шындалтан: кок кечыште пайремыш 20,5 тӱжем еҥ толын. Тӱнямбал чемпионатын футбол Паркшым почмо вес пайрем Калининград ден Москваште лийшаш.

Е.Эшкинина

Опубликовать в Одноклассники

Добавить комментарий