КУЛЬТУР ДА ИСКУССТВО

Лӱмгече: Школын чапшым кӱшкӧ нӧлтен

14 майыште Национальный президент искусство школышто Иван Иванович Гордеевын 70 ияш лӱмгечыжлан пӧлеклалтше пайрем концерт эртыш.

Пайрем концерт Национальный президент искусство школын йоча хоржын мурыж дене почылто. Икшыве-влак сылнын йоҥгалтарымышт дене веле огыл, юбилярым тӱшкан саламлымышт дене куандарышт. Тыгодым Иван Ивановичын чурийже эшеат веселаҥе, кумылжо нӧлталте.

Шочмо кече дене саламлаш тӱвыра, печать да калык-влакын пашашт шотышто министр Константин Ивановат миен.

– Тынар жап школым вуйлаташ да шуко икшывым кумда илыш корныш лукташ – кугу чап. Илышыште тӱрлӧ тӧрсыр вашлиялтын, но Те йӧным муын моштенда. Жапше годым Марий Элыш толмеке, Тендан дене палыме лиймым тачат сайын шарнем. Мылам, самырык педагоглан, тендан ой-каҥашда моткоч кӱлешан лийын. Тендан ыштыме изи огыл пашаланда, моштымыланда, республикым вияҥдаш уло ӱнарым пыштымыланда моткоч кугу тау, – палемдыш Константин Анатольевич да пеледыш аршаш ден пӧлекым кучыктыш.

Лӱмгече концертыште Национальный президент искусство школын талантан икшывыже-влак тӱрлӧ семӱзгарым шоктышт. А юбилярын Алексей эргыже ачажлан «Мой путь» мурым пӧлеклыш. 

Кумданрак — «Марий Эл» газетын
2018 ий 18 майыште лекше номерыштыже лудын кертыда.

А.Байкова.

Опубликовать в Одноклассники

Добавить комментарий