УВЕР ЙОГЫН

Чап: Землякна – Сеҥымаш парадыште

Волжский район Упшер кундемысе Нурсола ялыште шочын-кушшо Антон Янгелов Москвасе Йошкар площадьыште Кугу Отечественный сарыште сеҥымылан 73 ий темме лӱмеш пӧлеклалтше парадыште участвоватлен. 

Антон Смоленск олаште верланыше Совет Ушем маршал А.М.Василевский лӱмеш Россий Федераций Вооружённый Вийын войсковой противовоздушный обороныжын военный академийыштыже шинчымашым пога.

Военный пашалан школышто тунеммыж годымак кумылаҥын. Спорт дене пеҥгыде кылым кучен, поснак куштылго атлетикыште, хоккейыште ойыртемалтын, районысо таҥасымашлаштат вийжым терген. Тидлан ятыр грамот да диплом дене палемдалтын.

Военный академийыштат шкенжым сай велым веле ончыкта. Тидыжак курсантлан Сеҥымаш парадыште участвоватлаш правам пуэн.

М.ИВАНОВА.

Опубликовать в Одноклассники

Добавить комментарий