УВЕР ЙОГЫН

Марий Элысе мармелад Юл кундем федерал округ кӱкшытыштыжӧ лауреат семын палемдалтын

Марий Элын Республикысе шымлыме-консалтинг рӱдержын сувенирже-влак дене «Турист сувенир» всероссийский фестиваль-конкурсын Юл кундем федерал округ кӱкшытыштыжӧ лауреат семын палемдалтын. 

 Конкурсым Ульяновскышто эртыше «Юлышто  каныш» кумшо тӱнямбал турист форум-ончер годым иктешленыт. «Гастрономий сувенир (кочкыш)» номинацийыште Йошкар-Ола гыч намийыме лачка мармелад сувенир-влакын серийышт икымше верыш лектын. Тиде  – «Йошка», «Марий Эл», «Yoskar-Ola» мармелад-влак.

«Гастроном сувенир (йӱыш)» номинацийыште «Российын эн мотор олаже-влак» чай серий икымше верыш лектын. Тушко тыгак Йошкар-Олан мотор сынжым ончыктыман чай пачке-влак темлалтыныт: «Йошкин пырыс дене унаште», «Брюггеште каникул» да молат. Йошкар-Оласе ик компанийын вуйдеҥге  чайжат сеҥышыш лектын.

А теве «Йошкар-Ола гыч дельный штучко-влак» пайдале крафт-сувенир коллекций «Идалыкын сувенирже» номинацийыште 2-шо верыш лектын.

Тиде фестиваль 2015 ий гыч эртаралтеш. Тудо ийынак мемнан шымлыме-консалтинг рӱдер шкенжын ямдылыме дизайнер брелокшо-влак дене Гран-Прим сеҥен налын ыле.

Тений Юл кундем федерал округ кӱкшытыштӧ эртаралтше фестивальыште чылаже 10 регион гыч 523 сувенирым ончыктеныт. Тышеч финалыш 200 нарыже лектын.

С.Носова.

Опубликовать в Одноклассники

Добавить комментарий