УВЕР ЙОГЫН

Акций: «Курымашлык полкыш» ушныза

9 майыште «Курымашлык полк» акцийыш республикыште илыше кумылан кажне еҥ ушнен кертеш. 

Ты ганат ветеран-влак дене пырля Кугу Отечественный сарыште лийше да сеҥымашым лишемдаш полшышо участник-влакын йочашт, уныкашт, кугезе уныкашт шке лишыл еҥыштын, Геройыштын, портретыштым кучен, ик стройышто пырля эртат.

Тиде акцийыш теве кузе ушнаш лиеш:

– А3 формат кугытан фотографийым ыштыктыман. (Фотоальбом гыч налме дене лекташ гын, Геройдан чурийже торашке раш ок кой). Транспарантым МФЦ-ште яра печатлен пуат. Тушко лишыл еҥдан фамилийжым, лӱмжым да ачалӱмжым возыман;

– ямде транспарант дене 9 майыште 10 шагатат 30 минутлан Йошкар-Оласе 14-ше номеран гимназий воктене (Ленин проспект, 54) лийман. Тушто ты жапыште «Курымашлык полкын» построенийже лиеш.

Л.Камалетдинова.

Опубликовать в Одноклассники

Добавить комментарий