УВЕР ЙОГЫН

Татар мландыште  – марий спектакль

12 гыч 22 март марте Татарстан Республикысе Буинск олаште эртыше «Идель-Урал. БУА – Пространство диалога» фестивальыш Марий Эл Республик гыч Курчак театр ден М.Шкетан лӱмеш Марий кугыжаныш драме театр миеныт манын возенна ыле. Курчак театр 13 мартыште «Золотой ключик» спектакльым, а Шкетан лӱмеш театр 20 мартыште «Эрта ӱмырем, кодеш кумылем…» трагикомедийым ончаш темленыт.

– Ме икымше гана Буинскыште лийынна. Ола кугужак огыл гынат, тушто тыгай фестивальым эртарымым кугу пашалан шотлыман, – палемдыш Курчак театрын художественный вуйлатышыже Алексей Ямаев. – Критик-влак кокла гыч мемнан пашанам Моско гыч толшо Александр Вислов сайын аклен, актер-влакымат (Анна Деркач, Марианна Сильвестрова, Сергей Печенников) палемден.

А.Байкова.

Опубликовать в Одноклассники