КАЛАСЕ, "МАРИЙ ЭЛ" ШКОЛ ЙОЛГОРНО

Каласе, «Марий Эл»: «Шӧртньӧ» медальым налнет?

Ӱдырем тений школым тунем пытара. Экзаменым сайын куча гын, медальым налын кертеш. Палынем ыле, тунеммаште сай шинчымашым ончыктымылан медальым налаш ЕГЭ дене мыняр баллым погыман? 

ЛЮДМИЛА.
Йошкар-Ола.

Йодышлан Марий Элын Образований да науко министерствыжын пресс-службыштыжо вашештеныт:

– Российын образований да науко министрже О.Васильева у тунемме ий гыч медальым налме шотышто изирак вашталтыш лийме нерген каласен. Отличий дене аттестатым налаш иктешлыше кугыжаныш экзаменыште ойырен налме кок предмет дене кажныштыже 70 балл деч шагал огыл погыман. Тидын годым выпускник обязательный предмет дене гына экзаменым кучен гын, руш йылме да математике дене (базовый) 75 балл деч шагал огыл налшаш. Тиде вашталтыш кугужак огыл, теният тыгерак лиеш. У тунемме ийыште медальым налме системым шотыш гына кондат.

Л.ШАБДАРОВА.

Опубликовать в Одноклассники

Добавить комментарий