УВЕР ЙОГЫН

Конкурс: Сай тунемше сай пашазе лийшаш

Параньга посёлкысо строительно-технологический техникумышто тунемше-влакын профессиональный мастарлыкыштым тергыме конкурс эртен. 

Ончыч тунемше-влакым техникумын диреторжо М.Габдуллин ты событий дене саламлен, пашазе профессий-влакын кӱлешлыкыштым палемден да участник-влаклан сеҥымашым тыланен. Конкурсыш ушнышо-шамычын кумылыштым пырля тунемше йолташышт художественный номер-влак дене нӧлтеныт. Нунын гоч ойырен налме профессийышт дене палдареныт.

Конкурс кок кужыт дене эртен: ончыч тест-влакын йодышыштлан вашешташ кӱлын, вара – практический заданийым шукташ. Тений повар, каменщик, тракторист, ялозанлыкыште электрооборудованийым олмыктышо да обслуживалыше монтер да ЭВМ оператор-влак таҥасеныт. Конкурсыш тыгак Параньга да Матародо школ-влакын тунемшышт ушненыт, нунат техникумышто шинчымашыштым нӧлтат. Участник-влак  профессиональный мастарлыкым тергеныт гын, моло тунемше-влак ты пагытыште армрестлинг дене таҥасеныт, ӱстембал теннис, шашке дене модыныт.

Жюрин иктешлымыже почеш повар-влак коклаште Елена Волкова, каменщик-влак коклаште Андрей Максимов ден Дмитрий Алексеев, электромонтер-влак коклаште Роман Васильев, ЭВМ оператор-влак коклаште Риназ Файзрахманов икымше верыш лектыныт.

С.Носова.

Опубликовать в Мой Мир
Опубликовать в Одноклассники

Добавить комментарий