РУБРИКИ

Вакансий ярмиҥга: Пашат, пашадымат улыт…

2018 ий I кварталыште Марий Элыште вакансий да тунемме паша верым темлыме 86 ярмиҥгам эртарыме. Тушто 194 предприятий, организаций, амалкалче паша верым темлен да 1767 еҥ пашам кычалын. Чылаже 815 паша вер лийын. 121 еҥ келшыше паша верым муын. 

Мутлан, 28 мартыште вакансий ярмиҥга Советский районысо Калыклан паша верым ситарыме рӱдерыште эртен. Пашадыме 10 еҥ Кундыштӱр психоневрологический интернатын да «Звезда» ФОК-ын вуйлатышышт дене вашлийын. Пашам пуышо-шамыч лачшымак могай кандидатым кычалмышт, темлыме должностьын ойыртемже, социальный полышым пуымо мера-влак да пашадарын кугытшо дене палдареныт. Тиде ярмиҥгаште ныл еҥым пашаш налме.

Тиде кечынак Йошкар-Оласе Калыклан паша верым ситарыме рӱдерыште Санкт-Петербургысо предприятийлашке пашаш налме шотышто регион-влак кокласе вакансий ярмиҥга Skype дене видеособеседований семын эртен. Тушто пашадыме кок еҥ лийын.

Вакансий ярмиҥга Шернур районысо Калыклан паша верым ситарыме рӱдерыштат эртен. Тушто пашадыме 19 еҥлан кандаш вакансийым темлыме. Ик еҥ пашам муын, кызыт кугыжаныш электрон почто системын инструкторжылан тунемеш.

Марий Эл Республикын Паша да калыклан паша верым ситарыме департаментшын данныйже почеш, 1 апрельыште регионысо паша верым ситарыме органласе учётышто 3316 еҥ шоген. Кодшо ий тыгаяк жап дене таҥастарымаште тиде чот 13,8 процентлан шагалрак.

М.ИВАНОВА.

Опубликовать в Мой Мир
Опубликовать в Одноклассники

Добавить комментарий