УВЕР ЙОГЫН

Марий Элысе шуко шочшан еш-влаклан кугыжаныш 223 тӱжем теҥгем коҥгам да тӱньыкым олмыктымо роскотым пӧртылтатен

Марий Эл Республикын Социальный вияҥмаш министерствыже ушештара: тул эҥгек лийме, тушто айдеме колымо деч регионысо шуко шочшан еш-влаклан пожар лӱдыкшыдымылык йодмашлан келшен толдымо электрооборудованийым, коҥгам да тӱньыкым олмыктымо роскотым пӧртылтат. 

Тидланже ача-ава кокла гыч иктыжлан илыме кундемысе муниципал администрацийыш коҥгам, тӱньыкым але электрооборудованийым олмыкташ кӱлмӧ шотышто йодмашым пуыман. Лӱмын ямдылыме комиссий илыме верым терга да келшыше решенийым луктеш. Тылеч вара еш олмыктымо пашан акшым шке тӱла.

Ынде ача-ава кокла гыч иктыжлан районысо Калыкым социально обслуживатлыме комплексный рӱдерыш олмыктымо пашан роскотшым пӧртылтымӧ нерген йодмашым пуыман, тудын пелен илыме верым шымлыме актын, подряд ойпидышын, ыштыме пашан актшын копийыштым да тӱлымӧ документын оригиналжым пыштыман.

Палемдыман, кодшо ийын электрооборудованийым, коҥгам да тӱньыкым олмыктымылан шуко шочшан 22 еш чумыржо 223 тӱжем теҥге окса выплатым налын.

М.ИВАНОВА.

Опубликовать в Мой Мир
Опубликовать в Одноклассники

Добавить комментарий