УВЕР ЙОГЫН

Олимпиаде: Тунемше-влак шочмо йылмыштым жаплат

29-30 мартыште Казаньыште Россий Федерацийыште илыше да шочмо йылмышт дене (кугыжаныш йылме)  мутланыше тунемше-шамыч коклаште II всероссийский олимпиаде эртен. Тудо элнан кандаш регионжо гыч (Марий Эл, Татарстан, Крым, Калмыкий, Удмуртий, Башкортостан, Чуваший, Удмуртий) 10-11-ше класслаште тунемше-влакым Казаньысе федеральный университетын  Л.Толстой лӱмеш филологий да тӱвыра кокласе коммуникаций институтыш  чумырен. 

Ӱдыр-рвезе-шамыч Российыште илыше калык-влакын йылме ойыртемышт дене кылдалтше эссем рушла возеныт, шке кундем дене палдарыше презентацийым ончыктеныт, 16 корнан почеламутым шочмо йылме дене да рушла йоҥгалтареныт.

Марий Эл гыч финалыш марий йылме да литератур дене республикысе олимпиадыште сеҥыше-шамыч миеныт: Советский район Ӱшнур школ гыч Евгений Бирюков, Шернур район Марисола школын тунемшыже Олеся Васеева, Волжский район Шарача школышто тунемше Антонина Иванова, Морко район Унчо школын ӱдыржӧ-влак Анастасия Дмитриева ден Дарья Оразаева. Кажныже шкенжым олимпиадыште сайын ончыктен да призовой верым налын.

Ушештарена, I всероссийский олимпиаде 2016 ийыште Москваште эртен. Тушто сеҥышыш Морко район Унчо школын тунемшыже Лада Архипова лектын. Тыгак призёр коклаште Советскйи район Ӱшнур школ гыч Анна Якаева ден Кужэҥер район Йӱледӱр школын тунемшыже Наталья Петрова лийыныт.

Л.ШАБДАРОВА.

Опубликовать в Мой Мир
Опубликовать в Одноклассники

Добавить комментарий