УВЕР ЙОГЫН

Сардаял школын тунемшыже-влак шочмо ялышт нерген сайтым ыштеныт

Марий Турек район Сардаял школын тунемшыже-шамыч шочмо ялышт нерген интернет сайтым ыштеныт. Тидлан «Кружок» проект полшен. 

Сайт кум йылме дене пашам ышта: марла, рушла, англичанла. Тушто вич уверым вераҥдыме: «У школ», «Илыш интернет деч посна», «Сардаялын пӱртӱсшӧ», «Тӱвыра», «Сардаял мучко гид».

Тыште йоча-влак шочмо ялышт, йӱлашт, шке шонымашышт дене палдарат. Тыгак ялыште интернет укелан кӧра ятыр нелылык лекме нерген ойлат. Тений кеҥежым нуно ялышкышт чылаштымат калык кокласе фестивальыш ӱжыт. Тушто тӱрлӧ лекций, палаткан лагерь, гастрономий секций лийыт. Фестивальыш ушнаш шонышо ешартыш уверым hello@kruzhok.io электрон адрес дене пален налын кертеш.

Л.ШАБДАРОВА.

Опубликовать в Мой Мир
Опубликовать в Одноклассники

Добавить комментарий