«МАРИЙ ЭЛ» ТАЧЕ

Николай Любимов: Интернет дене писынрак

«Марий Эл» газет шке лудшо-влаклан уверым але пайдале материалым кӱчык жапыште пуаш тырша. Интернет йӧн дене уверым эшеат писынрак лудаш, палдара сайтын редакторжо Николай Любимов. 

«Технологий курымышто илена. Пашате у йӧным кучылтман. «Марий Эл» газет тидын шотышто шеҥгелан огеш код: марла возымо увер-влакым интернетыште веле огыл, тӱрлӧ социал сетьлаште лудаш лиеш. Теве эртыше кечылаште гына Telegram-ыште шке каналнам почна. Шонымашна шуко», – ойла Николай.

Тидын годымак тудо ешара, ик сайт дене серлагыман огы.

«Газетыште материалым тӱрыснек лудаш лиеш гын, сайтыште ужашыжым гына пуртена», – палемдыш сайтын редакторжо.

Палемдыман, газетым PDF-формат денат лудаш лиеш. Тидлан оксам Сбербанк картыш колтыман (№ 4276370019927405) да лӱмдам, ачалӱмдам, фамилийдам, кунам да мыняр оксам пыштыме нерген уверым la-lishabdarova@yandex.ru адрес дене колтыман.

Пел ийлан ак: «Марий Эл» – 400 теҥге, «Сурт-пече» – 200 теҥге.
Идалыклан ак: «Марий Эл» – 700 теҥге, «Сурт-пече» – 350 теҥге.

Опубликовать в Мой Мир
Опубликовать в Одноклассники

Добавить комментарий