АНОНС СПОРТ

Куржталаш йӧратыше-влакым вучат

21 апрельыште Йошкар-Олаште тўшка куржталмашлан старт пуалтеш. Тудо  «FORMAT MARI  EL» маналтеш. Ты пробегыште фигурный куштымаш дене Сочисе Олимпиадын чемпионжо, Пхенчханысе олимпийский призёр Дмитрий Соловьёв лиеш. Тудым унала ўжыт. 

Марий Элын Самырык-влакын политикышт, спорт да туризм министерстве  пресс-службыжын палемдымыж почеш, куржаш кумылан-влак ты кечын «Дружба» стадионышто регистрацийым эртат. Мероприятий 9 шагатлан тў‰алеш.

Стартыш 1000 наре е‰ым вучат. Уна-шамыч фитнес-аэробике, стрейтчинг да йога дене мастер-классыште участвоватлен кертыт манын палемдат организатор-влак. Тыштак йоча-шамычлан площадке пашам ышташ тў‰алеш.

Спорт мероприятийым 11 шагатат 30 минутышто официально почыт. Вич километрыш куржаш кумылан-влак 16 ияш деч кугурак лийшаш улыт да пеленышт медицине справке лийшаш.

Мандантный комиссий 19-20 апрельыште 8 гыч 20 шагат марте пашам ышта. Адресше: Йошкар-Ола, Карл Маркс урем, 103-шо пєрт.

Кумылан-влак ончылгоч электрон почто (formatfit@mail.ru) але тыгай номеран телефон: 89033265777 дене возалтын кертыт.

Маршрут: «Дружба» стадион – Машиностроитель урем – Красноармейский урем – Первомайский урем – Ленин проспект – «Дружба» стадион.

Е.Эшкинина.

Опубликовать в Мой Мир
Опубликовать в Одноклассники

Добавить комментарий