СОЦИАЛЬНЫЙ ИЛЫШ

Конкурс: Икшывылан полшаш манын…

Неле илыш ситуацийыште улшо йоча-влаклан полшышо фонд муниципалитет-влакын социальный проектыштлан у конкурсым увертарен. Тудын тӱҥ шонымашыже – верысе кучемлан неле илыш ситуацийыште улшо йоча ден еш-влаклан полшашышт йӧным ышташ. 

Условий дене келшышын, конкурсыш Марий Элысе чыла ола ден ял администраций ушнен кертеш.

Социальный проектым кок направлений дене ямдылыман:

  1. Инвалид да тазалыкыште экшык улман йоча-влакым ончышо ача-ава-шамычлан полшымаш.
  2. Закон дене конфликтыште улшо йоча-шамычлан йол ӱмбак шогалаш полшымаш.

«Проект на конкурс Фонда (муниципальные образования)» манын палемден, йодмашым Москва, Ильинка урем, 21-ше пӧрт адрес дене 17 апрель йотке почто дене колтыман.

Конкурс нерген тичмаш информацийым фондын сайтыштыже рашемдыман.  

М.ИВАНОВА.

Опубликовать в Одноклассники

Добавить комментарий