ПЕНСИЙ СОЦИАЛЬНЫЙ ИЛЫШ

Пенсий фонд: Кугу пенсийым налаш ийготат, стажат шукырак кӱлыт

2018 ийыште кугыжаныш служащийлан шоҥгылык шотышто страховой пенсийым палемдышашлан пӧръеҥ 61, ӱдырамаш 56 ияш лийшаш. У условий Россий Федерацийын кугыжаныш, РФ субъектлаште кугыжаныш, муниципальный, РФ кугыжаныш гражданский, муниципальный службылаштыже должность-влакым айлыше-влак дене кылдалтын. 

Таче кечылан ӱдырамашланат, пӧръеҥланат пенсийыш лекме ийгот ончычсо гаяк кодеш– 55 да 60. Кугыжаныш служащий-влакын гына пенсий ийготышт 2017 ий гыч этап дене кугемеш – талук еда 6 тылзе дене. Тыгай категорийыш пурышо гражданин должность гыч кораҥеш гын, тиде нормо-влакын положенийышт деч утла да страховой пенсийым налын кертеш.

Пенсий ийготым вашталтыме дене закон чыла категорий кугыжаныш служащийын эн изи паша стажшымат палемден. Тудат талуклан 6 тылзе дене ешаралтеш: 2032 ийыште ӱдырамаш  страховой пенсийым 63 ияш налаш праван, а пӧръеҥ 2026 ийыште – 65 ияш.

М.ИВАНОВА.

Опубликовать в Одноклассники

Добавить комментарий