ТАЗАЛЫК

Тазалык – поянлык: Шинчалык утыш лектын

Тиде рецепт Интернетыште кумдан шарлен. Тудым палыдыме автор возен: «Мыланем тунам 60 ий ыле. Шинча пӱсылыкым саемдаш, шуко чер деч утлаш манын, пӱнчӧ лӱс отварым йӱаш тӱҥальым. Тидланже сентябрь мучаште пӱнчӧ лӱсым погышым да тудын негызеш ямдылыме отварым теле гоч йӱым. 

Эмым ямдылаш неле огыл: кастене 5 кугу совла лӱсыш 500 мл шолшо вӱдым темыман, вӱд мончаште 20-30 минут кучыман, плита ӱмбаланак кодыман, а эрдене шӱрыман. Пӱнчӧ лӱс отварым кечеш 3-4 гана 1 кугу совла дене кочмо деч вара подылман.

Тиде йӧн дене кок теле почела эмлалтым. Тымарте +3,5 диоптриян шинчалыкым чиенам. Кызыт книгам ма газетым тудын деч посна лудам. Мыланем – 76 ий, шкемым сайын шижам. Пӱнчӧ лӱс отварым тугак теле еда йӱам».

М.Иванова

Опубликовать в Мой Мир
Опубликовать в Одноклассники

Добавить комментарий