УВЕР ЙОГЫН

Сеҥымаш: Туныктышо Россий кӱкшытыштӧ палемдалтын

Юл кундемыште Россий Президентын полномочный представительже М.Бабич  Юл кундемыште илыше да пашаштышт ойыртемалтше индеш еҥлан  кугыжаныш наградым кучыктен. Шымытлан сулло лӱмым пуэныт, кок еҥ Чап грамот дене палемдалтын. Нунын коклаште Йошкар-Оласе 14-ше №-ан гимназийын директоржо Татьяна Глушковат лийын. Тудлан  Россий Президентын Чап грамотшым кучыктеныт. 

Татьяна Валентиновна Н.Крупская лӱмеш Марий кугыжаныш пединститутым тунем пытарен. Паша корныжым рӱдоласе 5-ше №-ан школышто руш йылме да литературым туныктышо семын тӱҥалын.

Т.Глушкова 14-ше №-ан гимназийыште ынде 39 ий пашам ышта, тушеч 20 ийжым – директорлан.  Тудын вуйлатыме жапыште школ шкешотан этнокультур сынан модельыш савырнен. Гимназийыште марий йылмым туныктышо-влак  у учебник ден туныктымо методикым илышыш лӱдде шыҥдарат.

Л.ШАБДАРОВА.

 

 

Опубликовать в Одноклассники

Добавить комментарий